Беларускі ПЭН апублікаваў поўны сьпіс намінантаў на сёлетнюю прэмію імя Алеся Адамовіча. У ім 14 кніг і 8 мэдыйных праектаў, сярод якіх — «Архіпэляг БЕЛАГ».
Гэта падкаст журналісткі Радыё Свабода Ганны Соўсь пра тое, як Беларусь паступова ператвараюць у турму.
«Прэмія імя Алеся Адамовіча — ня проста адзнака за твор. Гэта жэст падтрымкі і веры ў сілу творчага выказваньня, якое не баіцца называць рэчы сваімі імёнамі. Гэта прастора, дзе слова, вобраз, гук або кадар робяцца дзеяньнем», — піша Беларускі ПЭН.
Прэмія была заснаваная ў студзені 1995 году ў памяць пра пісьменьніка, грамадзкага дзеяча і аднаго з заснавальнікаў Беларускага ПЭН-цэнтра Алеся Адамовіча, які памёр годам раней.
Першым старшынём журы быў Васіль Быкаў.
Аўтары Радыё Свабода ня раз станавіліся яе ляўрэатамі.
ГЛЯДЗІЦЕ ТАКСАМА: Улады Беларусі забаранілі яшчэ два дзясяткі кніг, у іх ліку «Там, дзе няма цемнаты: Радыё Свабода» ГЛЯДЗІЦЕ ТАКСАМА: Выдаўцы беларускіх кніг — «Людзі Cвабоды – 2024»