У праекце «Краіна для жыцьця» знайшлі фэйкавы сайт Сяргея Ціханоўскага і заклікалі беларусаў не адпраўляць сваіх анкет на старонку tsikhanouski.org.
«Спэцслужбы РБ (або РФ) стварылі фэйкавы сайт Сяргея Ціханоўскага і спрабуюць сабраць анкетныя зьвесткі кандыдатаў у валянтэры», — паведамілі ў Telegram-канале праекту.
3 ліпеня невядомыя запрашалі ў каманду Сяргея Ціханоўскага ад імя «папулярнага скандальнага журналіста жоўтай прэсы», які «зьбірае інсайды» і піша артыкулы для Нямеччыны, Вялікай Брытаніі, Францыі і часткова для ЗША. У Офісе Сьвятланы Ціханоўскай гэта назвалі правакацыяй.
21 чэрвеня ўлады Беларусі вызвалілі Сяргея Ціханоўскага разам з 13 іншымі палітвязьнямі пасьля сустрэчы спэцыяльнага пасланьніка прэзыдэнта ЗША Кіта Келага з Аляксандрам Лукашэнкам.