Новы штам каранавірусу, афіцыйна пазначаны як XFG, вядомы як Stratus, пачаў вельмі хутка дамінаваць у сьвеце. Спачатку ён распаўсюдзіўся ў Індыі, а цяпер у Вялікабрытаніі. Згодна з глябальнай базай дадзеных GISAID, на працягу траўня ён ужо зьявіўся ў 38 краінах сьвету. На Stratus прыпадала 22,7% усіх пазытыўных тэстаў на Covid у апошні тыдзень траўня. А месяцам раней гэты паказчык складаў толькі 7,4%, піша амэрыканскі тэхналягічны часопіс Wired.
Паводле лекараў, у штама Stratus ёсьць некалькі тыповых сымптомаў, найбольш выразнымі зь якіх зьяўляюцца хрыпатасьць і раздражненьне ў горле. Акрамя таго, у заражаных часта назіраецца сухі кашаль, боль у горле, ліхаманка, стомленасьць і боль у цягліцах.
Аднак новы варыянт не выклікае цяжкага захворваньня. «Нягледзячы на мутацыі, важна адзначыць, што Stratus не выглядае больш небясьпечным, чым папярэднія варыянты Omicron, з пункту гледжаньня цяжкасьці захворваньня, шпіталізацыі або сьмяротнасьці», — падкрэсьліваюць адмыслоўцы.
Форум