Міністэрства замежных спраў Армэніі выклікала расейскага амбасадара і ўручыла яму ноту пратэсту ў сувязі з «адкрыта недружалюбнай, а часам і варожай прапагандай» у расейскіх мэдыя ў адрас афіцыйнага Ерэвану, піша РБК.
«Падобныя заявы ня толькі абсурдныя, бо незразумела, як і чаму прадухіленьне дзяржаўнага перавароту лічыцца недружалюбным крокам, але і зьяўляюцца грубым умяшаньнем ва ўнутраныя справы», — заявілі ў МЗС Армэніі.
Улады Армэніі раней заявілі пра ўзяцьце курсу на збліжэньне з Эўразьвязам, і ўсё меней удзельнічаюць у працы АДКБ, куды пакуль яшчэ ўваходзяць як паўнапраўны сябар. Пры гэтым прэм'ер-міністар Армэніі Нікол Пашыньян браў удзел у сьвяткаваньні 9 траўня ў Маскве.
МЗС Польшчы выказаў пратэст расейскаму пасольству ў адказ на ўдары расейскага войска па мірным насельніцтве Ўкраіны і па будынку польскага пасольства ва Ўкраіне.
Міністар замежных спраў краіны Радаслаў Сікорскі адзначыў, што пацярпелых пры абстрэле няма. Пры гэтым ён папрасіў Злучаныя Штаты падтрымаць Украіну і даслаць ёй абяцаныя зэнітныя ўстаноўкі і ракеты, каб краіна магла абараніцца ад варожых удараў па цывільнай інфраструктуры.
Форум